Компания тақдимоти
Лицензиялар ва сертификатлар
Прайс-листимизни юклаб олинг

Цефтазидим-Sanita

Цефтазидим-Sanita

Халқаро патентланмаган номи:

Цефтазидим

Дори шакли:

Флаконларга 1,0 г дан солинган инъекцион эритма тайёрлаш учун кукун.
  • Хусусиятлари

    Бир дона флакон таркибида қуйидагилар мавжуд:

    Цефтазидим пентагидрат (цефтазидимга қайта ҳисоблаганда) – 1,0 г

    Натрий карбонат – 0,1 г

    Фармакологик хусусиятлари

    Парентерал қўллаш учун III авлод цефалоспоринли антибиотиги. Бактерицид таъсир кўрсатади. Таъсир қилиш механизми цефтазидимнинг микроорганизмлар ҳужайра девори синтезини бузиш қобилияти билан шартланган. Кенг таъсир доирасига эга. Кўпчилик бета-лактамазаларнинг таъсирига чидамли.

    Цефтазидим қуйидаги грамманфий бактерияларга: Pseudomonas aeruginosa, Pseudomonas spp. (шу жумладан Pseudomonas pseudomallei), Klebsiella spp. (шу жумладан Klebsiella pneumoniae), Proteus mirabilis, Proteus vulgaris, Morganella morganii, Providencia rettgeri, Providencia spp, Escherichia coli, Enterobacter spp., Сitrobacter spp., Serratia spp., Salmonella spp., Shigella spp., Yersinia enterocolitica, Pasteurella multocida, Acinetobacter spp., Neisseria gonorrhoeae, Neisseria meningitidis, Haemophilus influenzae (шу жумладан ампициллинга чидамли штаммлар), Haemophilus parainfluenzae (шу жумладан ампициллинга чидамли штаммлар); қуйидаги граммусбат бактерияларга: Staphylococcus aureus (метициллинга таъсирчан штаммлар), Staphylococcus epidermidis (метициллинга таъсирчан штаммлар), Micrococcus spp., Streptococcus pyogenes (А гуруҳига кирувчи β-гемолитик стрептококк), В гуруҳига кирувчи Streptococcus (Streptococcus agalactiae), Streptococcus pneumoniae, Streptococcus mitis, Streptococcus spp., (Streptococcus faecalis бундан мустасно); қуйидаги анаэроб бактерияларга нисбатан фаол: Peptococcus spp., Peptostreptococcus spp., Streptococcus spp., Propionibacterium spp., Clostridium perfringens, Fusobacterium spp., Bacteroides spp., (Bacteroides fragilis’нинг кўпгина штаммлари резистент ҳисобланади).

    Цефтазидим метициллинга чидамли стафилококкларга, Streptococcus faecalis ва бошқа кўплаб Enterococci, Listeria monocytogenes, Campylobacter spp. ва Clostridum difficile’га нисбатан фаол эмас.

    Фармакокинетикаси

    Цефтазидим препарати киритилганидан кейин у организмда тезда тақсимланади ва организмнинг кўплаб тўқималарида ва суюқ муҳитларида (шу жумладан синовиал, перикардиал ва перитонеал суюқликлар, сафро, балғам, сийдикда) терапевтик концентрацияларга етади. Шунингдек цефтазидим суяклар, миокард, ўт пуфаги девори, тери ва юмшоқ тўқималарда инфекцион касалликларни даволаш учун, айниқса препарат диффузиясини кучайтирувчи яллиғланиш жараёнларида, етарли бўлган концентрацияларни ҳосил қилган ҳолда тақсимланади. Плацента орқали ўтади, кўкрак сути билан ажралиб чиқади.

    Цефтазидим шикастланмаган гематоэнцефалик барьердан яхши ўтмайди. Менингитда терапевтик концентрацияларда орқа мия суюқлигида аниқланади.  Плазма оқсиллари билан (ортга қайтадиган даражада) боғланиши – 15%, бунда плазма оқсиллари билан боғланиш даражаси концентрациясига боғлиқ бўлмайди. Препарат , 0,5 г ва 1 г дозада мушак ичига киритилганидан кейин қон плазмасидаги максимал концентрациясига 1 соатдан кейин эришилади ва мос равишда 17 мкг/мл ва 39 мкг/мл ни ташкил этади; худди шу дозаларда вена ичига киритилганида 42 мкг/мл ва 69 мкг/мл ни ташкил этади.  

    Цефтазидимнинг қон плазмасидаги терапевтик концентрациялари 8-12 соат давомида сақланиб туради, бунда 6-8 соат давомидаги концентрация қиймати 4 мкг/мл га тенг.

    Тақсимланиш ҳажми 0,21–0,28 л/кг ни ташкил этади. Цефтазидим юмшоқ тўқималар, буйрак, ўпка, суяклар, бўғимлар, сероз бўшлиқларда тўпланади.

    Цефтазидим жигарда метаболизацияга учрамайди, жигар фаолиятининг бузилиши препарат фармакодинамикасида ва фармакокинетикасида акс этмайди. Бундай беморлар учун доза одатий бўлиб қолади. Тенг миқдорда тугунчали фильтрация ва каналча секрецияси йўли билан бир сутка давомида буйраклар орқали ўзгармаган кўринишда 80-90% гача чиқарилади (киритилган дозанинг 70% дастлабки 4 соат ичида чиқарилади). Буйрак фаолияти нормал бўлган беморларда ярим чиқарилиш даври 1,8 соатни ташкил этади. Буйрак фаолияти бузилган беморларда ярим чиқарилиш даври 2,2 соатни ташкил этади. Буйрак фаолияти бузилганида дозани камайтириш тавсия этилади.
  • Қўлланадиган ҳолатлар

    Препаратга таъсирчан бўлган микроорганизмлар томонидан келтириб чиқарилган инфекцион-яллиғланиш касалликларини (моно- ёки аралаш инфекциялар) даволаш:

    •  оғир инфекциялар (сепсис, септицемия, бактериемия, перитонит, менингит, иммунитети пасайган беморлардаги инфекциялар; жадал терапия бўлимларида ётган беморлардаги инфекциялар, масалан куйган жойларнинг инфекцияга чалиниши);

    •  суяклар ва бўғимлар инфекциялари (септик артрит, остеомиелит, бактериал бурсит);

    •  нафас олиш йўллари инфекциялари (ўткир ва сурункали бронхит, инфекцияга чалинган бронхоэктазлар, грамманфий микроорганизмлар томонидан келтириб чиқарилган зотилжамлар, ўпка абсцесси, плевра эпиемаси);

    •  сийдик чиқариш йўллари инфекциялари (ўткир ва сурункали пиелонефрит, пиелит, простатит, цистит, уретрит /бактериал/, буйрак абсцесси);

    •  тери ва юмшоқ тўқималар инфекциялари (мастит, жароҳат инфекциялари, тери яралари, целлюлит, сарамас, куйган жойларнинг инфекцияга чалиниши);

    •  ошқозон-ичак тракти, сафро чиқариш йўллари ва қорин бўшлиғи инфекциялари (перитонит, энтероколит, қорин пардаси орқасидаги абсцесслар, дивертикулит, кичик тос органларининг яллиғланиши, холецистит, холангит, ўт пуфаги эмпиемаси);

    •  гинекологик инфекциялар;

    •  қулоқ, томоқ ва бурун инфекциялари (ўрта отит, синусит, мастоидит);

    •  сўзак (айниқса пенициллинга нисбатан юқори таъсирчанликка эга бўлган беморларда).

    •  гемодиализ ва перитонеал диализ, шунингдек узлуксиз амбулатор перитонеал диализ билан боғлиқ инфекциялар
  • Қўллаш мумкин бўлмаган ҳолатлар

    • цефалоспоринларга нисбатан юқори даражадаги таъсирчанлик;

    • пенициллинларга нисбатан юқори даражадаги таъсирчанлик;

    • лактация даври
  • Қўллаш усуллари ва дозалари

    Цефтазидим фақат парентерал киритиш учун мўлжалланган. Доза касалликнинг оғирлиги, қўзғатувчининг тури, беморнинг ёши, тана вазни ва буйрак фаолиятига қараб индивидуал тарзда белгиланади. Препарат вена ичига ва катта думба мушагининг юқори ташқи квадранти соҳасида ёки соннинг латерал қисми соҳасига мушак ичига чуқур киритилади. Цефтазидим эритмасини венага ёки инфузия тизимининг трубкасига бевосита киритиш мумкин.

    Катталарга вена ичига ёки мушак ичига суткасига 1-6 г тайинланади; киритишлар сони – суткасига 2-3 марта.

    Сийдик чиқариш йўллари инфекцияларида ҳар 12 соатда 0,5-1 г дан тайинланади.

    Инфекцияларнинг кўпчилигида ҳар 8 соатда 1 г дозадан ёки ҳар 12 соатда 2 г дозадан киритиш самарали.

    Касаллик оғир кечганида, айниқса иммунитети пасайган беморларда, шу жумладан нейтропенияга эга беморларда ҳар 8 соатда 2 г дан ёки ҳар 12 соатда 3 г дан тайинлаш керак.

    Муковисцидозга эга беморларга ва псевдомонадалар томонидан келтириб чиқарилган ўпка инфекцияларида суткасига 100-150 мг/кг доза тайинланади; киритишлар сони – суткасига 3 марта.

    Оғир ёки ҳаётга таҳдид солувчи инфекцияларда препарат вена ичига ҳар 8 соатда 2 г дан тайинланади.

    Суяк ва бўғимлар инфекцияларида вена ичига ҳар 12 соатда 2 г дан тайинланади.

    Катталар учун максимал суткалик доза – 6 г.

    Кекса ёшдаги беморларга, айниқса, 80 ёшдан ошган беморларга ўткир касалликларда цефтазидим клиренси паст бўлишини эътиборга олган ҳолда, суткасига кўпи билан 3 г доза тайинлаш тавсия этилади. 

    2 ойликдан катта болаларга суткасига 30-50 мг/кг препарат дозаси тайинланади; киритишлар сони – суткасига 2-3 марта. Иммунитети пасайган болаларга, муковисцидоз ёки менингитга эга болаларга суткасига 150 мг/кг гача бўлган доза (суткасига максимал 6 г) тайинланади; киритишлар сони – суткасига 3 марта.

    Янги туғилган чақалоқлар ва 2 ойликкача бўлган гўдакларга препарат суткасига 30 мг/кг дозада тайинланади; киритишлар сони – суткасига 2 марта.

    Даволаш ишларини инфекция аломатлари йўқолганидан кейин ҳам яна 2 кун давомида давом эттириш керак. Асоратли инфекцияларда даволаш курси, зарурат туғилганида, давом эттирилиши мумкин.

    Буйрак фаолияти бузилган катталарга (шу жумладан гемодиализда бўлган беморларга) 1 г миқдоридаги бошланғич юклама дозадан кейин креатинин клиренсига қараб дозани камайтириш керак.


    Креатинин клиренси

    Доза

    50 мл/дақ.дан кўп

    (0, 83 мл/сония)

    тавсия этиладиган ўртача доза

    35-50 мл/дақ

    (0,52-0,83 мл/сония)

    Ҳар 12 соатда 1 г дан

    16-30 мл/дақ

    (0,27-0,5 мл/сония)

    Ҳар 24 соатда 1 г дан

    6-15 мл/дақ

    (0,1-0,25 мл/сония)

    Ҳар 24 соатда 0,5 г дан

    5 мл/дақ.дан кам

    (0,08 мл/сония)

    Ҳар 48 соатда 0,5 г дан

    гемодиализда бўлган беморлар

    Ҳар бир сеансдан кейин 1 г дан

    перитонеал диализда бўлган беморлар

    Ҳар 24 соатда 0,5 г дан


     

    Жадвалда келтирилган дозалар тахминий ҳисобланади. Беморларнинг ушбу тоифасига қон зардобидаги цефтазидим миқдорини назорат қилиш тавсия этилади, у 40 мг/мл дан ошмаслиги керак.

    Гемодиализ ўтказилаётган пайтда цефтазидимнинг ярим чиқарилиш даври 3-5 соатни ташкил этади. Препаратнинг тегишли дозасини ҳар бир диализ процедурасининг охирида такрорлаш лозим.

    Перитонеал диализда препаратни диализ суюқлигига қўшиш мумкин (2 л диализ суюқлигига 125 мг дан 250 мг гача бўлган доза).

    ЭРИТМАЛАРНИ ТАЙЁРЛАШ. Кукун эритилганида углерод икки оксиди ажралиб чиқади. Эритувчи киритилганидан кейин шаффоф эритма ҳосил бўлиши учун флаконни чайқатиш керак. Ҳосил бўлган тайёр эритмада углерод икки оксидининг майда пуфакчалари бўлиши мумкин. Ҳосил бўлган эритма оч сариқдан тўқ сариққача бўлган рангларда бўлиши мумкин. Агар препаратни эритишнинг барча тавсия этилган қоидаларига амал қилинган бўлса, унда унинг самарадорлиги ҳосил бўлган эритманинг рангига боғлиқ бўлмайди.

    1. «БИРЛАМЧИ ЭРИТИШ»

    250 мг

    Мушак ичига киритилганида 1 мл инъекциялар учун сув

    Вена ичига киритилганида 2,5 мл инъекциялар учун сув

    500 мг

    Мушак ичига киритилганида 1,5 мл инъекциялар учун сув

    Вена ичига киритилганида 5 мл инъекциялар учун сув

    1,0 г

    Мушак ичига киритилганида 3 мл инъекциялар учун сув

    Вена ичига киритилганида 10 мл инъекциялар учун сув

    2,0 г

    -

    Вена ичига киритилганида 10 мл инъекциялар учун сув

    2. «ИККИЛАМЧИ ЭРИТИШ»

    Вена ичига ТОМЧИЛАТИБ
    киритиш учун юқорида баён этилган усулда олинган Цефтазидим препаратининг
    эритмаси вена ичига киритиш учун мўлжалланган 50-100 мл 
    миқдоридаги қуйидаги эритувчилардан бири ёрдамида қўшимча равишда
    эритилади: 0,9%
    ли
    натрий хлорид эритмаси,
    Рингер
    эритмаси, 5%, 10 % ли глюкоза (декстроза)
    эритмаси, 5%  ли глюкоза (декстроза) эритмаси 0,9% ли натрий хлорид эритмаси билан, 5% ли натрий бикорбанат
    эритмаси. Фақат янги тайёрланган
    эритма қўлланади!
  • Чиқарилиш шакли
    Флаконларга 1,0 г дан солинган инъекцион эритма тайёрлаш учун кукун.