Компания тақдимоти
Лицензиялар ва сертификатлар
Прайс-листимизни юклаб олинг

Цефуроксим-Sanita

Цефуроксим-Sanita

Халқаро патентланмаган номи:

Цефуроксим

Дори шакли:

Флаконларга 0,75 г дан солинган инъекцион эритма тайёрлаш учун кукун.
  • Хусусиятлари

    Бир дона флакондаги таркиби:

    Цефуроксим натрий тузи

    (цефуроксимга қайта ҳисоблаганда) – 0,75 г

    Фармакологик хусусиятлари

    Цефуроксим-Sanita – парентерал қўллаш учун мўлжалланган, бактерицид таъсирга эга II авлод цефалоспорини. Микробларга қарши таъсир қилиш механизми транспептидаза микроб ферментининг фаоллигинини босиш билан боғлиқ бўлиб, бу микроорганизмларнинг ҳужайра девори пептидогликани синтезининг бузилишига олиб келади. Препарат кенг таъсир доирасига эга, β-лактамазаларнинг кўпчилиги иштирокида барқарор; ампициллин ва амоксициллинга чидамли штаммларга таъсир қилади. Қуйидаги микроорганизмларга нисбатан фаол: 

    грамманфий аэробларга: Escherichia coli, Klebsiella spp., Proteus rettgeri, Proteus mirabilis, Providencia spp., Haemophilus influenzae (шу жумладан, ампициллинга чидамли штаммлар), Haemophilus parainfluenzae (ампициллинга чидамли штаммлар), Moraxella (Branhamella) catarrhalis, Neisseria gonorrhoeae (шу жумладан, пенициллиназани синтезловчи штаммлар), Neisseria meningitides, Salmonella spp.;

    граммусбат аэробларга: Staphylococcus aureus, Staphylococcus epidermidis (шу жумладан метициллинга чидамли штаммларни истисно этган ҳолда пенициллиназани синтезловчи штаммлар), Streptococcus pyogenes (шунингдек бошқа β-гемолитик стрептококклар), B гуруҳига кирувчи Streptococcus pneumoniae, Streptococcus spp. (Streptococcus agalactiae), Streptococcus mitis (viridans гуруҳи), Bordetella pertussis;

    анаэробларга: Peptococcus ва Peptostreptococcus species, граммусбат бактериялар (шу жумладан Clostridium spp.) ва грамманфий бактериялар (шу жумладан Bacteroides spp. ва Fusobacterium spp.), Propionibacterium spp.,

    қуйидагилар препаратга қисман чидамли: Proteus morganii, Proteus vulgaris;

    Цефуроксим-Sanita’га таъсирчан бўлмаган микроорганизмлар: Clostridium difficle, Pseudomonas spp., Campylobacter spp., Acinetobacter calcoaceticus, Legionella spp., Listeria monocytogenes, Serratia spp., Legionella spp.’нинг айрим штаммлари.

    Фармакокинетикаси

    Препарат 0,75 г дозада мушак ичига киритилганида максимал концентрацияси 45-60 дақиқадан кейин ҳосил бўлади ва тахминан 27-30 мкг/мл ни ташкил этади. Вена ичига 0,75 г и 1,5 г дозада киритилганида қон плазмасидаги терапевтик концентрацияси 15 дақиқадан кейин кузатилади ва шунга мос равишда 50 мкг/мл ва 100 мкг/мл ни ташкил этади. Қон оқсиллари билан боғланиш даражаси қарийб 50% ни ташкил қилади. Препарат плеврал ва синовиал суюқликларда, сафрода, балғамда, суяк ва юмшоқ тўқималарда, миокардда, терида терапевтик концентрацияларни ҳосил қилади.

    Мия қобиғи яллиғланишида препарат гематоэнцефалик барьер орқали яхши ўтади. Шунингдек у плацентар барьердан ҳам ўтади ва кўкрак сутига ажралиб чиқиши мумкин. Мушак ичига ва вена ичига киритилганида препаратнинг ярим чиқарилиш даври (Т1/2)  қарийб 1,5 соатни  ташкил этади (янги туғилган чақалоқларда ва гўдакларда Т1/2 ошади ва 4 соатдан 6,5 соатгача бўлган вақтни ташкил этади). Киритилган препаратнинг 80% дан ортиғи ўзгармаган тарзда буйраклар орқали элиминацияланади: тахминан 50% - тугунчали фильтрация йўли билан ва 50% га яқини – каналча секрецияси орқали 8 соат давомида. Бунда у сийдик ва сийдик чиқариш йўлларида самарали концентрацияни ҳосил қилади. 24 соатдан кейин препарат организмда аниқланмайди.

  • Қўлланадиган ҳолатлар
    Цефуроксимга таъсирчан бўлган микроорганизмлар томонидан келтириб чиқарилган инфекцион-яллиғланиш касалликлари: 
    • нафас олиш йўллари инфекциялари (шу жумладан, ўткир ва сурункали бронхит, инфекцияга чалинган бронхоэктазлар, бактериал зотилжам, ўпка абсцесси);
    • абдоминал ва гинекологик инфекциялар;
    • ЛОР- инфекциялар (шу жумладан синусит, тонзиллит, фарингит, ўрта отит);
    • сийдик чиқариш йўлларининг инфекциялари (шу жумладан ўткир ва сурункали пиелонефрит, цистит, асимптоматик бактериурия);
    • тери ва юмшоқ тўқималарнинг инфекциялари (шу жумладан целлюлит, сарамас яллиғланиши, жароҳат инфекциялари)
    • суяк ва бўғимлар инфекциялари (шу жумладан остеомиелит, септик артрит);
    • сепсис,
    • менингит,
    • эндокардит,
    • перитонит,
    • сўзак,
    • қорин бўшлиғи, кичик тос органлари, юрак, ўпка, қизилўнгач, қон томирлари операцияларида, ортопедик операцияларда операциядан кейинги инфекцион асоратлар профилактикаси.


  • Қўллаш мумкин бўлмаган ҳолатлар
    <p>
         Цефуроксим ва бошқа цефалоспоринларга нисбатан юқори даражадаги таъсирчанлик.
    </p>
    <p>
         Ҳомиладорлик даврида цефуроксим хавфсизлиги бўйича адекват ва қатъий назорат қилинадиган тадқиқотлар ўтказилмаган. Шу муносабат билан ҳомиладорлик даврида препаратни эҳтиёткорлик билан қўллаш зарур.
    </p>
    Цефуроксимни ҳомиладорлик
    ва лактация даврида қўллашга фақат она учун терапиянинг кўзда тутилаётган
    фойдаси ҳомила учун эҳтимолий хатардан ошган ҳолатлардагина йўл қўйилади.
  • Қўллаш усуллари ва дозалари

    Инфекция кечишининг оғирлиги ва унинг локализациясини, қўзғатувчининг таъсирчанлигини ҳисобга олган ҳолда индивидуал тарзда белгиланади. М/и га ва в/и га қўлланади. Парентерал киритганда катталар учун доза суткасига 3 марта 0,75 г ни ташкил этади, инфекция оғир кечганида эса суткасига 3 марта 1,5 г дан. Касаллик этиологиясига қараб 1,5 г бир марта ёки 0,75 г доза 8 соатлик танаффус билан 2 марта киритилади.

    Болалар ва гўдакларга препарат суткасига 30-100 мг/кг тана вазни дозасида (3-4 марта киритиш учун бўлинган ҳолатда) тайинланади. Инфекцион касалликларнинг кўпчилиги учун самарали доза суткасига 60 мг/кг ни ташкил этади.

    Янги туғилган чақалоқларга Цефуроксим–Sanita  30-100 мг/кг/сутка дозасида (2-3 марта киритиш учун бўлинган ҳолатда) тайинланади, аммо бунда бола ҳаётининг дастлабки ҳафталарида цефуроксимнинг ярим чиқарилиш даври катталарникига қараганда 3-5 баравар узоқроқ бўлиши мумкинлигини ҳисобга олиш зарур.

    Сўзакда препарат бир марта 1,5 г дозада киритилади, бунда доза иккала думба мушагига иккита инъекция учун бўлинади.

    Менингитда катталарга ҳар 8 соатда вена ичига 3 г тайинланади; гўдаклар ва болаларга вена ичига 150 - 240 мг/кг/сутка дозада (3-4 марта киритиш учун бўлинган) тайинланади. Янги туғилган чақалоқлар учун вена ичига суткалик доза 100 мг/кг/суткадан (3-4 марта киритиш учун бўлинган) ошмаслиги лозим

    Операциядан кейинги асоратлар профилактикаси учун доза абдоминал, тос ёки ортопедик операциялар ўтказилиш чоғида наркозга индукциялаш босқичида вена ичига 1,5 г ни ташкил этади. 8 ва 16 соатдан кейин мушак ичига 750 мг дозада қўшимча инъекцияни киритиш мумкин. Юрак, ўпка, қизилўнгач ва томирларда ўтказиладиган операцияларда препаратнинг бир марталик дозаси вена ичига 1,5 г ни ташкил этади, у наркозга индукциялаш босқичида киритилади; сўнгра кейинги 24-48 соат давомида суткасига 3 марта мушак ичига 750 мг дан Цефуроксим-Sanita препарати киритилади.

    Буйрак фаолияти бузилган беморларга (креатинин клиренси 10-20 мл/дақ) Цефуроксим-Sanita препаратини суткасига 2 марта 750 мг дан киритиш тавсия этилади; оғирроқ ҳолатларда (креатинин клиренси 10 мл/дақ.дан кам бўлганида) – суткасига 1 марта 750 мг. Диализда бўлган беморларга ҳар бир процедура якунида қўшимча равишда вена ичига ёки мушак ичига суткасига 1 марта 750 мг препарат киритилади. Доимий артериовеноз гемодиализида бўлган ёки жадал терапия бўлимларида тезкор гемофильтрациядан ўтаётган буйрак етишмовчилигига эга беморларга Цефуроксим – Sanita препарати суткасига 2 марта 750 мг дозада тайинланади. Паст тезликдаги гемофильтрацияда бўлган беморларга буйрак фаолияти бузилганида тавсия этиладиган дозалар тайинланади.

    Цефуроксим-Sanita препарати билан даволаш ишларининг давомийлиги патологик жараённинг намоён бўлиш характери ва даражасига боғлиқ бўлиб, бундан ташқари, бактериологик тестдан ўтказиш маълумотлари билан ҳам белгиланади. Одатда даволаш ишлари 5-10 кун (ўртача 7 кун) давом этади.  Инфекцион касалликларнинг кўпчилигида даволаш ишлари касаллик аломатлари йўқолиб, даволаш самарали бўлгани бактериологик таҳлил натижалари билан тасдиқланганидан кейин ҳам камида 24 соат давом эттирилади.    

    Препаратни тайёрлаш ва киритиш қоидалари:

    М/и га киритиш учун 0,75 г кукун 3 мл инъекциялар учун сувда эритилади. Шаффоф бўлмаган суспензия ҳосил бўлгунга қадар эҳтиётлик билан чайқатилади. М/и га киритилганида эритувчи сифатида худди шу пропорцияларда 1% ли лидокаин эритмасидан фойдаланиш мумкин.

    В/и га қуйиш учун 0,75 г кукун камида 6 мл (мос равишда 1,5 г кукун 15 мл да) инъекциялар учун сувда эритилади. Қисқа муддатли (30 дақиқагача) в/и га киритишлар учун 1,5 г препарат 50 мл инъекциялар учун сувда эритилади. Агар бемор суюқликларни парентерал олаётган бўлса, ушбу эритмаларни бевосита венага ёки томизгич трубкасига киритиш мумкин.

    Цефуроксим эритмаси (1,5 г кукун 15 мл инъекциялар учун сувда эритилади) ва метронидазол (500 мг/100 мл) аралаштирилганида иккала компонент ҳам 25оС дан юқори бўлмаган ҳароратда 24 соатгача ўз фаоллигини сақлаб туради.

    Препарат қуйидаги эритмалар билан аралаштирилганида хона ҳароратида 24 соатгача барқарор туради: 0,9% ли натрий хлорид эритмаси; 5% ли декстроза эритмаси; 0,18% ли натрий хлорид эритмаси ва 4% ли декстроза эритмаси; 10% ли  декстроза эритмаси; Рингер эритмаси; Хартман эритмаси.

    Препаратни аминогликозидлар гуруҳига кирувчи антибиотиклар билан битта шприцда аралаштириш мумкин эмас.  

    Инъекциялар учун қуруқ моддани эритиш ва инъекциялар учун эритмаларни тайёрлаш пайтида, айниқса эритилган препаратдан дарҳол фойдаланилмайдиган ҳолатда, асептик шароитларни таъминлаш зарур
  • Чиқарилиш шакли

    Флаконларга 0,75 г дан солинган инъекцион эритма тайёрлаш учун кукун.