Компания тақдимоти
Лицензиялар ва сертификатлар
Прайс-листимизни юклаб олинг

Цефазолин-Sanita

Цефазолин-Sanita

Халқаро патентланмаган номи:

Цефазолин

Дори шакли:

Шиша флаконларга 1,0 г дан солинган, инъекцион эритма тайёрлаш учун кукун
  • Хусусиятлари

    Фармакологик хусусиятлари

    Парентерал қўллаш учун мўлжалланган I авлод цефалоспоринли антибиотиги. Микроорганизмларнинг ҳужайра девори синтезини бузган ҳолда бактерицид таъсир қилади. Кенг таъсир доирасига эга, граммусбат (Staphylococcus spp., Staphylococcus aureus (пенициллиназани ишлаб чиқарувчи ва ишлаб чиқармайдиган; шу жумладан Streptococcus pneumoniae), Corynebacterium diphtheriae, Bacillus anthracis) ва грамманфий (Neisseria meningitidis, Neisseria gonorrhoeae, Shigella spp., Salmonella spp., Escherichia coli, Klebsiella spp., Treponema spp., Leptospira spp.) микроорганизмларга нисбатан фаол.

    Haemophilus influenzae’га, айрим Enterobacter ва Enterococcus штаммларига нисбатан фаол.  

    Pseudomonas aeruginosa’га, Proteus spp., Mycobacterium tuberculosis, Serratia spp.’нинг индолмусбат штаммларига, анаэроб микроорганизмларга, Staphylococcus spp’нинг метициллинга чидамли штаммларига нисбатан самарасиз.

    Фармакокинетикаси

    Мушак ичига 0,5 ва 1 г дозада киритилганида максимал концентрацияга эришиш даври шунга мос равишда 2 ва 1 соатни ташкил этади; максимал концентрацияси - 38 ва 64 мкг/мл; вена ичига киритилганидан кейин максимал концентрацияга эришиш даври – инфузия охирида, вена ичига киритилганидан кейин 1 г максимал концентрацияси – 180 мкг/мл. Бўғимлар, юрак ва қон томир тўқималари, қорин бўшлиғи, буйрак ва сийдик чиқариш йўллари, плацента, ўрта қулоқ, нафас олиш йўллари, тери ва юмшоқ тўқималарга ўтади. Бироз миқдорда кўкрак сути билан ажралиб чиқади. Ўт пуфаги тўқималари ва сафродаги концентрацияси қон зардобидагига қараганда анча юқори. Ўт пуфаги обструкциясида сафродаги концентрацияси плазмадагига қараганда камроқ. Тақсимланиш ҳажми - 0,12 л/кг. Плазма оқсиллари билан боғланиши – 85%. Мушак ичига киритилганида ярим чиқарилиш даври – 1,8 соат, вена ичига киритилганида – 2 соат. Буйрак фаолияти бузилганида ярим чиқарилиш даври – 20-40 соат.

    Асосан буйрак орқали ўзгармаган тарзда чиқарилади: дастлабки 6 соат давомида – 60-90%, 24 соатдан кейин – 70-95%. Мушак ичига 0,5 ва 1 г дозаларда киритилганидан кейин сийдикдаги максимал концентрацияси мос равишда 1 мг/мл ва 4 мг/мл. 

  • Қўлланадиган ҳолатлар

    Юқори ва қуйи нафас олиш йўллари, ЛОР-органлар (шу жумладан ўрта отит), сийдик чиқариш ва сафро чиқариш йўллари, кичик тос органлари (шу жумладан гонорея), тери ва юмшоқ тўқималар, суяклар ва бўғимларнинг (шу жумладан остеомиелит) бактериал инфекциялари, эндокардит, сепсис, перитонит, мастит, жароҳатланиш, куйиш ва операциядан кейинги инфекциялар, захм.

    Операциядан олдинги ва кейинги даврдаги жарроҳлик инфекцияларининг профилактикаси.

  • Қўллаш мумкин бўлмаган ҳолатлар

    Ўта таъсирчанлик, янги туғилганлик даври (1 ойликкача бўлган чақалоқлар).

    Эҳтиёткорлик билан қўлланади: буйрак етишмовчилиги, ичак касалликлари  (шу жумладан анамнезда колит мавжуд бўлса), 1 ёшгача бўлган болалар.

  • Қўллаш усуллари ва дозалари

    Мушак ичига, вена ичига (ингичка оқим тарзида ва томчилатиб). Катталар учун ўртача суткалик доза - 1-4 г; киритишлар сони – суткасига 3-4 марта. Максимал суткалик доза - 6 г. Даволаш ишларининг ўртача давомийлиги 7-10 кунни ташкил этади.

    Операциядан кейинги профилактика ишлари учун – операциядан 0,5-1 соат олдин 1 г, операция вақтида 0,5-1 г ва операциядан кейинги дастлабки соатлар давомида ҳар 8 соатда 0,5-1 г дан вена ичига киритилади.

    Буйрак фаолияти бузилган беморларга креатинин клиренси (КК) қийматларига мувофиқ дозалаш режимини ўзгартириш талаб этилади: КК 55 мл/дақ ва ундан кўп бўлганида ёки плазмадаги креатинин концентрацияси 1,5 мг% ва ундан кам бўлганида, тўлиқ дозани киритиш мумкин; КК 54-35 мл/дақ бўлганида ёки плазмадаги креатинин концентрацияси 3-1,6 мг% бўлганида тўлиқ дозани киритиш мумкин, аммо инъекциялар орасидаги интервалларни 8 соатгача узайтириш зарур бўлади; КК 34-11 мл/дақ бўлганида ёки плазмадаги кретинин концентрацияси 4,5-3,1 мг% бўлганида – 12 соатлик интервал билан ½ доза; КК 10 мл/дақ ва ундан кам бўлганида ёки плазмадаги креатинин концентрацияси 4,6 мг% ва ундан кўп бўлганида – ҳар 18-24 соатда оддий дозанинг ½. Тавсия этилган барча дозалар 0,5 г ни ташкил этувчи бошланғич дозадан кейин киритилади.

    1 ойликкача бўлган ва ундан катта болаларга – 25-50 мг/кг/сут; инфекция оғир кечганида препарат дозаси 100 мг/кг/сут гача оширилиши мумкин. Киритишлар сони – суткасига 3-4 марта. Буйрак фаолияти бузилган болаларда дозалаш режимига тузатиш киритиш ишлари креатинин клиренси (КК) қийматларига қараб амалга оширилади: КК 70-40 мл/дақ бўлганида – ўртача суткалик дозанинг 60% ҳар 12 соатда киритилади; КК 40-20 мл/дақ бўлганида – ўртача суткалик дозанинг 25% 12 соатлик интервал билан киритилади; КК 5-20 мл/дақ бўлганида – ўртача суткалик дозанинг 10% ҳар 24 соатда киритилади. Тавсия этилган барча дозалар бошланғич “зарба” дозасидан кейин киритилади   

    Таъсирчан граммусбат микроорганизмлар томонидан келтириб чиқарилган ўрта оғирликдаги инфекцияларда катталар учун бир марталик доза ҳар 8 соатда 0,25-0,5 г ни ташкил этади. Пневмококкли пневмонияда – ҳар 12 соатда 0,5 г; сийдик чиқариш йўлларининг ўткир асоратсиз касалликларида – ҳар 12 соатда 1 г.

    Инъекциялар ва инфузиялар учун эритмалар тайёрлаш:  0,5 г препарат 2 мл инъекциялар учун сувда эритилади; 1 г препарат 4 мл инъекциялар учун сувда эритилади. Вена ичига болюсли киритиш учун ҳосил бўлган эритмага 5 мл инъекциялар учун сув қўшилади, кейин аста-секинлик билан 3-5 дақиқа давомида киритилади. Вена ичига томчилатиб киритиш учун препарат 5-10% ли 50-100 мл декстроза эритмасида, 0,9% ли натрий хлорид эритмасида, Рингер эритмасида, 5% ли натрий гидрокарбонат эритмасида эритилади.

    Эритиш пайтида флаконларни яхшилаб тўлиқ эриб кетгунга қадар чайқатиш зарур.
  • Чиқарилиш шакли
    Шиша флаконларга 1,0 г дан солинган, инъекцион эритма тайёрлаш учун кукун.